Cena a ŋwàꞌ Nyʉ̀ Lèꞌ Fe ce a m bèesi a ce fàꞌ mbenjì bfèꞌ àngoo sê.

BUU DU KUU ŊWÀꞋ CA

Yi yu kuꞌ bfèꞌ ma gòr àmbò a m ke beesi Lèꞌ Fe embe ŋwàꞌ Nyʉ̀ à Limbùm. Wìmbùm efa làꞌ ba vi e njep mbè a ce bèꞌ yi. A m kɛ̀ꞌ rfàꞌ ca a beesi ba ŋwàꞌ Jǒn entombì ker rghàghar àmbò bi Jisòs a kaꞌ du a misi nè Lèꞌ Fe wɛwɛɛ. Ŋwàꞌ Lulu ca yi yu à rjàꞌ nè Wìmbùm ba wìmbùm enjep mbè gòr sê à rbèꞌ ker saŋ Limbùm. Sèꞌni na, mbùm a ce kèꞌ enɛ tɛ a misi Lèꞌ Rʉ̀u tɛ wowèe abo tʉr yap Ŋwàꞌ Nyʉ̀ à Limbùm wɛwɛɛ.

A so mnyòŋ ma gòr njì enjep ŋwàꞌ ca àmbo bèe a ce bèꞌ làa Nyʉ̀ à yàp li ce a m bii wowèe àgho.

À rfa mntaŋ àmbò a be dòore rfàꞌ bèesì e à fèꞌ.

a mbò a ku dù nè rbèesì lèꞌ rʉ̀ʉ à njɛ̀ɛ enɛ

A ce bèesi Lèꞌ Rʉ̀ʉ sèꞌni, à ba nòŋ rfàꞌ moꞌ na.

A mbò a ce bèesi Lèꞌ Rʉ̀ʉ anà, mŋwàꞌ Rur ba Jonà vi fʉʉ wɛɛ, bèe à kɛꞌ a ce bèꞌ wɛɛ àmbò wɛ᷅ nà

mŋwàꞌ moꞌ embe lèꞌ rʉ̀ʉ ce a bèesi tɛ a bo bèꞌ à mndapŋwàꞌ

Ca a mbe nfèꞌ ce a mu ce fa mŋwàꞌ nè bèe embe Ŋkàmbɛ̀ꞌ na tɛ wowèe a bo ce fàꞌ àgho à mndap ŋwàꞌ jɛɛ jɛ̀ɛ jɛɛ.

À kaꞌ fyɛꞌ à yɛ enɛ a bèesi ŋwàꞌ Nyʉ̀ a du àgho à njìsàp, rbòŋ li ba enɛ bdìꞌ ce a bèesi anà a ce fàꞌ àgho à mndap ŋwàꞌ sàamba embe Doŋga Màntùŋ ba njep mbèe.

Wèr ce tàꞌ à rsuŋ wèe enɛ ghàghar Josɛ̀f ba Jɛnɛsìs vi be ku fʉʉ à Limbùm tɛ ŋwɛ̀ bo yuꞌ àmbò Nyʉ̀ ce làa nè ye à Limbùm ce a li ce li fʉʉ enjep mbùu ma ntee.

Njɛ̀ɛ rbòn ce li m ba à nfèꞌ ce wìmbum a m koni mŋwàꞌ Rur ba Jonà ce a bèesi wɛɛ, a ce bèꞌ. Njɛ̀ɛ rbòŋ ce li m ba à bsii bèeem li m ce dùŋshi enɛ njè à m ce yaŋ bèe à rtʉr blàa Nyʉ̀ à yàp lî. Ca yi ce dùŋshi njɛ̀ɛ njì ce bèe be yuꞌ rbòŋ mbe nfèꞌ ce a be koni ŋwàꞌ Nyʉ̀ wɛwɛɛ à yàp lî.

A mbò ŋgǎa Bèesì a ced fàꞌ à njɛ̀ɛ enɛ.

Kʉr ŋgǎa rbèesì a fàꞌ nè mootì ba nètʉꞌ à ryɛ enɛ wowèe a be bèesi ŋwàꞌ Nyʉ̀ à Limbùm dù misi na. Be ku ba ba njǐ enjep ŋkoosimnsi Ta mu Nyʉ̀ ce e be kù gèe tɛ kuꞌ rfàꞌ ca du li du mì.

Ŋwɛ̀ ce e yu à tu a ŋgʉ̀ꞌ rbèesì e ke lò ku vʉ fyɛꞌ à nfèꞌ à nfèꞌ ce naŋsi àmbò a ba bèesi tɛ yi ba yɛɛnì.

bèe bàfut ba wìmbùm ce a ke fyɛꞌ à wap blî

TI ICC BA ŊGǍA YƐꞋNI À RBÈꞋ KER SAŊ RLÎ

ICC à tɛɛ àtu bèe ce a coꞌshi efa mndap rloo jɛɛ jɛ̀ɛ jɛɛ enɛ tɛ wowèe a fyɛꞌ àmbò a be bèesi Ŋwàꞌ Nyʉ̀ à limbùm kèr yɛꞌni bèe àmbò a be bèꞌ ker saŋ Limbùm.

Kʉr bèe ca a tʉr ŋgǎa rbèesi njep wap tìi bèe ŋkyèe be tu ŋwɛ̀ ryɛꞌni bèe Limbùm ba bèe ce a ce fyɛꞌ à mndap ŋwàꞌ jɛɛ jɛ̀ɛ jɛɛ ker ba kuꞌ ŋgǎa ryɛꞌnì ce a ce yɛꞌni bèe à ŋgǒŋ mbùm.

Yi yu à lulu à rrìŋ enɛ wìmbùm a ce rìŋ à rbèꞌ ker ce saŋ Limbùm. Ryòŋshì ma gòr li ce dù nè mndap ŋwàꞌ e à bcor jɛɛ jɛ̀ɛ jɛɛ ce a ce yɛꞌni bèe njobèꞌ a kaꞌ tɛ yɛꞌni tɛ bèe riŋ à rbèꞌ kaꞌ, banɛ kuꞌ mŋwàꞌ ce ŋgǎa rbèesì a ce bèesi nà vi be lò bʉ à cici.

BUU DU KUU ŊWÀꞋ CA

TI ICC BA ŊGǍA YƐꞋNI À RBÈꞋ KER SAŊ RLÎ

Lo rtapsì yi yu à lulu nè wèr